MUSKA NGADANI BIMTEK PENYUSUNAN DOKUMEN BLUD
Wiwik Indriani,S.Pd.,M.Si., narasumber
Pasarta bimtek katon grengseng
Ing Edutel SMKN 6 Yogyakarta, dina Kamis-Jumat tanggal 21-22 Maret 2024 kepungkur diadani Bimbingan Teknik (Bimtek) penyusunan dokumen Badan Layanan Umum Daerah (BLUD). Ana 136 pasarta bimtek kang asale saka 26 SMK negeri.
Ketua pelaksana, Setyo Budi Sungkowo,S.Pd.,M.Pd. nelakake menawa bimtek kaadani kanggo mbiyantu Dinas Pendidikan Pemuda dan Olahraga Daerah Istimewa Yogyakarta mujudake target tahun 2024.
“ Target kang kepengin diwujudake yaiku ana 25 SMKN ing DIY bisa dadi BLUD. Dene materi bimtek supaya pasarta bisa ngasilake dokumen Tata Kelola, Stadar Pelayanan Minimal, Rencana Strategi, lan Laporan Keuangan,” pratelane ketua pelaksana kang uga kepala SMKN 7 Yogyakarta kasebut.
Darmawan, salah sijine pasarta bimtek, guru SMKN 1 Wonosari nelakake menawa kanthi melu bimtek iku, bisa tambah ilmu.
“Bisa tambah ngelmu lan bisa sharing ing babagan nyusun dokumen BLUD,” pratelane guru matematika kang dadi anggota tim BLUD ing sekolahane.
Akeh permasalahan BLUD kang ditakoke dening pasarta, antarane ing bab laporan keuangan, keorganisasian, lan program kerja BLUD. Kabeh diwangsule kanthi gamblang dening narasumber. (eSWe Sidi)
Mantep Saestu Mugi dadoske sekolah ingkang unggul, merdeka anggenipun ngelola